Kuba Respublikasi hukumati mamlakatdagi ko`chalar, xiyobonlar va boshqa jamoat joylarini marhum prezident Fidel Kastro nomi bilan atashni taqiqladi.
Shu tarzda amaldagi hukumat shaxsga sig`inish hollari kelib chiqishining oldini olmoqchi.
Kuba parlamenti bu haqdagi qonunni 27 dekabr, seshanba kuni tasdiqladi.
Kubada marhum prezidentning nomi bilan ko`cha va xiyobonlar nomlanmaydi, bunday tashqari hukumat rahbarlari Fidel Kastroning haykalini bunyod etishni ham taqiqladi.
Kubaning sobiq prezidenti Fidel Kastro 2016 yilning 26 noyabrida 90 yoshda vafot etdi.
2016 yilning 4 dekabrida mamlakatning amaldagi prezident Raul Kastro marhum prezident Fidel Kastro shaxsiga sig`inish holatlariga yo`l qo`ymaslikka va`da bergan edi. Sababi marhum prezidentning o`zi ham shaxsga sig`inish hollarini qoralagan edi.