Kanadaning Toronto shahridagi Pirson xalqaro aeroportida ikki yo`lovchi samolyot to`qnashdi, deb xabar berdi “Tvzvezda.ru” nashri.
Pakistan International Airlines va Air France aviakompaniyalariga tegishli ikki samolyot qo`nish terminallaridan birida bir-biriga urilib ketdi. Pokiston avialayneri qanoti bilan ikkinchi samolyotni urib yubordi.
Aviahalokatdan hech kim jabrlanmadi. Favqulodda hodisa tufayli yo`lovchilar bir necha soat terminalda parvozni kutishga majbur bo`lishdi. Hozirda voqea tafsilotlari o`rganilmoqda.
