Isroilda yashovchi 18 yoshli Lian Nasser ismli qiz ota-onasidan uni Istanbulga borishiga ruxsat berishlarini so`raydi. U hech qachon mamlakat tashqarisiga chiqmagan edi.
Lianning uch nafar do`sti Yangi yil bayramini o`tkazish uchun Istanbulga ketayotgan edi. Lian ular bilan borishni juda xohlagan edi. Biroq, qizning otasi bunga qarshilik qildi. U Istanbuldagi notinch vaziyat sabab qizining hayotini xavf ostiga qo`yishni istamadi. Ota qizi Yangi yilni uyda, yaqinlari davrasida kutib olishini xohlagan edi. Shunda Lian otasini ko`ndirishda ammasi Layal Maservaxdan yordam so`raydi. Amma bahsda jiyani tomon bo`ladi.
“Uning otasi bu hoyaga qarshi edi. U Istanbul notinchligini, u erga borish xavfli ekanligini ta`kidlar edi. Biroq, Lian o`ziga hech narsa qilmasligini ta`kidlab, o`z so`zida turib oldi”,—deydi Layal Maservax.
Lian Nasserning kelajakda bir olam orzulari bor edi. U 2017 yilning iyun oyida kollejni tugatganidan so`ng shifokor bo`lishni orzu qilardi. U o`qish bilan birgalikda stomatologiya klinikasida ishlar edi. Qiz mashina sotib olish uchun pul ham yig`ayotgan edi.
Shunday qilib, to`rt nafar yosh qizlar Istanbuldagi Reina klubiga yo`l oladi.
31 dekabr kechasida, fojiadan bir necha daqiqa avval Lian o`zining ijtimoiy tarmoqlardagi sahifalariga tungi klubda tushgan suratini joylashtirgan. Suratlarda kameraga tik qarab turgan Lianning tabassumi aks etgan.
1 yanvar tongida butun dunyo Istanbulda yuz bergan fojiadan xabar topdi. Tungi klubga hujum oqibatida 39 kishi halok bo`ldi, o`nlab insonlar yaralandi.
Lian Nasser esa yo`qolib qoldi. Uning otasi birinchi reys bilan Turkiyaga uchdi. Oila a`zolari Ollohdan Lianning tirik bo`lishini tiladi...
Polisiya Lianning otasiga bir nechta qonga bo`yalgan taqinchoqlarni ko`rsatdi. Qattiq tushkunlik ta`sirida ota bu taqinchoqlarning qiziga tegishli yoki tegishli emasligini eslay olmadi. Ota yurak shaklidagi uzuk va yashil ko`zli bilaguzukni rasmga oldi va qizning ammasiga jo`natdi. Ammasi esa ularni tanidi...
Shundan keyin qizning ham tungi klubga hujum paytida halok bo`lgani tasdiqlandi.
“Men o`zimni kechira olmayapman. Qaniydi, u emas, men halok bo`lganimda. Nega u bilan bormadim? Nega uni himoya qilmadim?”,—deydi qizning ammasi.
Lian Nasserning jasadi o`z vataniga yuborildi. Bu uning hayotidagi ilk sayohat va uyga so`nggi bor qaytish edi...
08.05.2024, 12:20
1979 yilda Samarqand viloyatida tug`ilgan Raximov Ozod Sadulloevich Istanbul shahrining Fatix tumanida qo`lga olindi. U u firibgarlik va odam savdosi bilan shug`ullanganlikda ayblanmoqda.Bu haqida Bosh...03.05.2024, 14:22
Turkiya Isroil bilan savdo aloqalarini to`xtatdi. Bu haqda Bloomberg agentligi ikki turk rasmiysiga asoslanib xabar bermoqda.Ularga ko`ra, 2 maydan boshlab Anqara yahudiy davlatiga barcha eksport va...01.05.2024, 16:06
Mamlakat poytaxtida yoqqan kuchli yomg`ir sabab Anqara ko`chalarini suv bosdi. Bu haqda TRT haber ma`lum qildi.Buning oqibatida shahar transport tizimi va aeroport ishida uzilishlar kuzatilgan.“Yo`llar...22.04.2024, 20:57
Turkiya prezidenti Rajab Toyyib Erdo`g`anning Iroqqa tashrifi va uning doirasida imzolangan kelishuvlar Turkiya-Iroq munosabatlarida yangi burilish nuqtasi bo`lishiga ishonch bildirdi. Bu haqda davlat rahbari Iroq...