Osiyo Chempionlar Ligasi–2017 turniri “A” guruhi 1-turidan o`rin olgan “Al-Tavun” (Saudiya Arabistoni) – “Lokomotiv” (O`zbekiston) uchrashuvi ummonlik hakamlar brigadasiga topshirildi, deb xabar bermoqda O`FF matbuot xizmati.
Mazkur uchrashuvga bosh hakam sifatida Ahmad Abu Bakar Said Al-Kaf tayinlandi. Unga qanotlarda Al-Mahayi Hamid Sulaymoy Marhun hamda Al-Amri Abu Bakar Salim Mahad yordam beradi. Zaxira hakami vazifasi bahraynlik Iso Abdulla Hasan Muhammad Aliga yuklatildi.
Uchrashuv komissari – Talal Ali (Iordaniya). Hakamlar nazoratchisi vazifasini Halid Jasim Halifa Alduki Alsenaani (BAA) bajaradi.
“Al-Tavun” – “Lokomotiv” o`rtasidagi uchrashuv 20 fevral kuni Saudiya Arabistonining Burayda shahrida bo`lib o`tadi.