Ijtimoiy tarmoq foydalanuvchilari AQShning Florida shtatidagi chiqishida prezident Donald Trampning Shvesiyani terrorchilik hujumiga uchragan mamlakatlar ro`yxatiga qo`shganiga e`tibor qaratishdi, deb xabar berdi “Lenta.ru” nashri.
Donald Trampning “Germaniyada nimalar ro`y berayotganiga qarang! O`tgan kuni kechasi Shvesiyada bo`lgan voqea-chi? Shvesiyada ham shunday hodisa yuz berishi kimning xayoliga kelibdi, deysiz?”, degan xato gapi shvesiyalik ijtimoiy tarmoq foydalanuvchilarining hayratiga sabab bo`ldi.
“Shvesiyada terrorchilik hujumi sodir bo`ldi? Qachon? Donald Tramp chekib olganmi? Unga beradigan savollarim ko`p...”, deb Twitter sahifasida xabar qoldirdi Shvesiya sobiq bosh vaziri Karl Bildt (Carl Bildt).
