Xitoyning Lyaonin viloyatida joylashgan fabrikalardan birida yuz bergan portlash oqibatida 3 kishi halok bo`ldi, 21 kishi yaralandi, deb xabar berdi “Ria.ru” nashri.
Voqea seshanba kuni kechqurun Szinchjou okrugidagi Linxay shahar uezdida ro`y berdi. Fabrika ishchilari portlovchi moddalar bilan ishlayotganda portlash yuz bergan. Portlashdan keyin shoshilinch yordam ko`rsatish rejasi ishlab chiqildi. Yaradorlar zudlik bilan kasalxonaga etkazildi. Ayni paytda hodisa tafsilotlari o`rganilmoqda.
