Rossiyaning Vladivostok shahrida zargarlik do`koniga tushgan o`g`rilar aks etgan video ijtmoiy tarmoqlarda e`lon qilindi, deb xabar berdi “Tvzvezda.ru” nashri.
Voqeani kuzatuv kameralari videoga oldi.
Videoda jinoyatchilarning avtomashinada zargarlik do`koni yoniga kelib to`xtagani, ular yuzlariga qora niqob kiygani, qo`llariga xo`jalik sumkasini tutib olganini ko`rish mumkin. Ular do`kon eshigini sindirish orqali ichkariga kirishdi. Ichkarida vitrinalarni sindirib, qimmatbaho taqinchoqlarni sumkalariga joylashlari uchun atigi bir daqiqa kifoya qildi. Mahalliy jurnalistlar mazkur jinoyat aniq rejalashtirilgani haqida yozishdi.
