Россиянинг Владивосток шаҳрида заргарлик дўконига тушган ўғрилар акс этган видео ижтмоий тармоқларда эълон қилинди, деб хабар берди “Тvzvezda.ru” нашри.
Воқеани кузатув камералари видеога олди.
Видеода жиноятчиларнинг автомашинада заргарлик дўкони ёнига келиб тўхтагани, улар юзларига қора ниқоб кийгани, қўлларига хўжалик сумкасини тутиб олганини кўриш мумкин. Улар дўкон эшигини синдириш орқали ичкарига киришди. Ичкарида витриналарни синдириб, қимматбаҳо тақинчоқларни сумкаларига жойлашлари учун атиги бир дақиқа кифоя қилди. Маҳаллий журналистлар мазкур жиноят аниқ режалаштирилгани ҳақида ёзишди.
