Seulda Alibaba Group asoschisi, mol- mulki 22,2 mlrd dollarga baholangan Jek Ma ishtirokida konferensiya bo`lib o`tdi. Unda yoshlardan biri Jek Madan “Agarda hozir sizning yoshingiz 25 da va o`z biznesingizni endigina boshlayotgan bo`lganingizda, nima qilardingiz?”, — deya savol berdi.
Qachonlardir Kentucky Fried Chicken restoranlar tarmog`ida hatto menedjer yordamchisi bo`lib ishga kira olmagan, bugun esa Osiyodagi eng qimmat internet-kompaniya egasi Jek Ma bu savolga quyidagicha javob berdi:
1.Imkon qidiring
Imkoniyat har joyda bor. Hozir hamma internet bu - kelajak , deydi. 10 yil avval internet ajoyib edi, chunki u haqda hech kim bilmasdi. Bugun esa internet qiyinlashib bormoqda, sababi u erga barcha aqllilar to`planmoqda. Shuning uchun siz real sektorga kirib borganingiz ma`qul.
2.Texnologiyalardan foydalaning
Agar siz restoran ochmoqchi bo`lsangiz, uni noyob qilish uchun texnologiyalardan foydalaning. Agar siz (siryul) ochmoqchi bo`lsangiz, IT-texnologiyalarni qo`llang. Siz boshqacha bo`ling, ulardan ajralib turing. Ni-tech, texnologiyalarni hamma joyda ishlatish mumkin.
3.Kengroq fikrlang
Har doim qarama-qarshi tomonini ham o`ylang. Bir narsaga hamma rozi bo`lib turganda, siz bir daqiqa fikrlang: Shunday qilish to`g`rimi? Haqiqatdan ham shundaymi? Bir narsaga hamma qarshi bo`lib turganda ham siz o`ylang: Balki ular nohaqdir? Balki buning boshqa imkoni bordir?
4. Hayajonlanmang!
Yoshingiz 25 da bo`lsa, hayajonlanmang. Har qanday xatoingiz bu - siz uchun katta qiymatga ega.
5. Shoshilmang
Men o`zim uchun quyidagi “sxema”ni aniqlashtirib olganman, uni yosh avlodga ham so`zlab beraman:
- 20 yoshgacha talaba bo`ling. Tadbirkorlikni boshlashga shoshilmang, avval nimanidir o`rganing.
- 30 yoshgacha kimdirga ergashmang. Kichik kompaniyada ishlab ko`ring. Katta kompaniyalarda ham yaxshi tajriba orttirish mumkin, u erda ish jarayonini bilasiz, katta tizimning bir bo`lagi bo`lib ko`rasiz. Lekin kichik kompaniyada o`z ishingizga “kasal” bo`lishni va orzu qilishni hamda ko`plab vazifalarni bajarishni o`rganasiz. 30 yoshgacha siz qanday lavozimda ishlaganingiz emas, balki qanday rahbarni ortidan borganingiz muhimdir. Yaxshi rahbar sizni asosiy narsalarga o`rgatadi.
- 30 yoshdan 40 yoshgacha, agar siz chindan ham tadbirkor bo`lishni istasangiz, o`zingiz uchun ishlaysiz.
- 40 yoshdan 50 yoshgacha qaysi ishni yaxshi bajarsangiz, shuni qiling. Yana qandaydir boshqa ishga qo`l urmang, yangi soha uchun kech qoldingiz.
- 50 yoshdan 60 yoshgacha yoshlar uchun ishlang. Ular ko`p narsani sizdan yaxshiroq qilishi mumkin, shu bois, ularga o`rgating.
- 60 yoshdan keyin esa vaqtni o`zingiz uchun sarflang, ko`proq dam oling.
6.Xato qiling
25 yoshdagilar uchun maslahatim shuki, etarlicha xato qilavering. Hayajonlanmang. Siz yiqilasiz-turasiz, yiqilasiz-turasiz. Bundan zavq oling, yoshligingizdan va hayotdan rohatlaning.
Munisa ALIEVA tayyorladi
