Butun Respublika bo`ylab kasting o`tkazgan, jami 2 000 nafar nomzodni sinovdan o`tkazgan “Maftuningman-2” filmi ijodkorlari ayni damda yurtimizning 7 ta nuqtasida suratga olish ishlarini yakunladi.
Ayni damda “Maftuningman-2” ijodiy guruhi Toshkentda ekanligidan foydalanib, film rejissyori Abduvohid G`anievni suxbatga tortdik:
– Suratga olish ishlari qanday o`tyapti?
– Jarayon ko`ngildagiday ketyapti. Hozir vohada suratga olish ishlarini yakunlab, vodiyga o`tish arafasidamiz. Kunning issiqligini hisobga olmasa, hammasi joyida, ishlayapmiz. Shu kunlarda vodiy bo`ylab suratga olish ishlarini boshlaymiz. Andijon, Namangan, Farg`ona, Qo`qon va dovonda suratga olish ishlarimiz bor, shularni tugatib, Toshkentga o`tamiz.
– Filmni “Maftuningman-2” deb nomlashdan maqsad nima?
– “Maftuningman” filmini barchamiz hozirgacha sevib tomosha qilamiz. Qaysidir ma`noda ijodiy guruhimiz bilan ushbu filmga havas qilganimizdan, shu filmga o`xshab “Maftuningman-2” ham xalq mehrini qozonadigan, obro`li film bo`lishiga umid qilyapmiz.
Ehtimol suratga olish ishlari tugashiga yaqin keyinchalik o`zgartirarmiz, hozircha esa yaxshi niyatda shu nomni tanladik. Film nafaqat O`zbekiston balki chet elda ham o`zbek san`ati va madaniyatini ko`rsatishiga xizmat qiladi.
Eslatib o`tamiz, “Dono Productions” kinokompaniyasi tomonidan qo`l urilgan ushbu yirik kinoloyihada mashhur chehralardan foydalanilmayapti. Kinokompaniya “Maftuningman-2” orqali yangi qiyofalarni kashf etishni maqsad qilgan.
Quyida filmni Samarqand, Buxoro va Jizzax shaharlarida suratga olish jarayonidan olingan foto va video lavhalarni tomosha qilishingiz mumkin.
26.09.2021, 14:30
Avvalroq bugun DXX xodimlarining 30 yillik tantanasi ekani haqida xabar bergan edik. Kinomotografiya agentligining qayd etishicha, sana munosabati bilan yangi "Mustahkam" filmi ishlab chiqilgan. Ma`lumotga ko`ra, mazkur...
16.09.2021, 10:26
Kuni kecha adiblar xiyobonida O`zbekiston xalq shoiri Aleksandr Faynberg haqidagi "Qalbi o`zbek rus shoiri" hujjatli filmi premera qilindi. Kinokartina Kinematografiya agentligi buyurtmasiga binoan “Hujjatli va xronikal...
16.08.2021, 17:46
Kinematografiya agentligi “Yoshlik” kinostudiyasi tomonidan “Debyut start-2021” kinofestivalida g`olib bo`lgan ssenariy loyihalari asosida “Soddadil” qisqa metrajli filmining s`yomka jarayonlari boshlandi.Bu haqda kinemotografiya agentligi axborot xizmati...
16.10.2017, 11:33
Alisher Navoiy nomli kino saroyda yangi premera kutilmoqda. Rejissyor Said Muxtorov hamda «Dilshoh media» kinokompaniyasi tomonidan suratga olingan «Kulba» nomli filmning premera sanasi e`lon qilindi....
