​Borovskiy kollejida bu yil qabul amalga oshirilmaydi

Jamiyat 15.06.2017, 12:31
Teglar: Talaba, Toshkent, Kollej, Abiturient
​Borovskiy kollejida bu yil qabul amalga oshirilmaydi

Bugun “Feysbuk”dagi “Potrebitel” guruhi foydalanuvchilaridan biri P.F.Borovskiy nomidagi tibbiyot kolleji yopilayotgani to`g`risida mish-mishlar borligi va bu rost yoki yolg`onligi haqida so`rab, post yozib qoldirdi.

Mazkur masalaga oydinlik kiritish maqsadida Darakchi.uz nashri O`zbekiston Respublikasi Oliy va o`rta maxsus ta`lim vazirligining O`rta maxsus,kasb-hunar ta`limi markazidagi ishonchli manbalari bilan bog`landi.

Ma`lum bo`lishicha, bu yil Borovskiy tibbiyot kollejida qabul amalga oshirilmaydi. Qolgan o`quvchilar, ya`ni 1-2 kurs talabalarining taqdiri qanday hal etilishi haqidagi savolga esa ayni damda ushbu masalada rasmiy hujjat tayyorlanayotgani va tez orada bu haqda batafsil ma`lumot olish mumkinligini ma`lum qildi.

O`rta maxsus,kasb-hunar ta`limi markazining qabulxona raqamlari bilan bog`langanimizda, kollej boshqa qabul amalga oshirilmasligi, faoliyati tugatilishi haqida ma`lumot berishdi.

Eslatib o`tamiz, 2017 yil 3 may kuni P.F.Borovskiy nomidagi tibbiyot kolleji 2-bosqich talabasi 1999 yilda tug`ilgan Ibroximov Jasurbek Maxammadjon o`g`li tan jarohati olib, Toshkent shahar 2-son bolalar jarrohlik shifoxonasiga yotqizilgan va olgan tan jarohatlari natijasida 2017 yil 1 iyun kuni Respublika shoshilinch tibbiy yordam ilmiy markazida vafot etgan.

Holat yuzasidan Mirobod tumani IIB tomonidan O`zbekiston Respublikasi Jinoyat kodeksining 104-moddasi 3-qismi «d» bandi bilan jinoyat ishi qo`zg`atilib, dastlabki tergov harakatlari olib borilgan.

O`zbekiston Respublikasi Bosh prokuraturasi tomonidan berilgan ma`lumotlarga ko`ra, jinoyat ishi yuzasidan olib borilayotgan tergov harakatlari ayni damda O`zbekiston Respublikasi Bosh prokurori tomonidan shaxsan nazoratga olindi.

Sharhlar

Toshkentda 9-sinf o`quvchisi odamlarni is gazidan saqlab qoladigan ixtiro yaratdi (video)

17.11.2023, 09:49

3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
Kechagi yomg`irdan so`ng Toshkent markazidagi yangi "dom"ning eri cho`kib, tagi ochilib qoldi (video)

10.11.2023, 12:45

Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
Toshkentda pod`ezdda qizga tegajog`lik qilgan yigit ushlandi (video)

06.09.2023, 10:12

Kecha, 4 sentyabr kuni Toshkent shahri Mirzo Ulug`bek tumanida noma`lum shaxs pod`ezdga kirib ketayotgan qizga hujum qilgani haqida xabar qilingan edi. Ayni paytda Toshkent shahar IIB...
Toshkentda yomg`ir sabab xonadonlarning balkonlari qulab tushdi (video va foto)

03.04.2023, 10:05

Kecha, 2 aprel kuni Toshkent shahrida kuchli yomg`ir yog`ishi oqibatida turli suv toshqinlari yuzaga keldi. Ma`lum qilinishicha, poytaxtda bir necha soat ichida oylik yog`inning uchdan...
Ob-havo: Toshkent
Valyuta kursi
1