Toshkent shahar Ichki ishlar bosh boshqarmasidan xabar berishlaricha, joriy yilning 13 iyun kuni Toshkentdagi kollejlardan birida yong`in yuz bergan.
Taxminan soat 13:40larda, Shayxontohur tumanidagi tibbiyot kollejining bir guruh o`quvchilari ehtiyotsizliklari oqibatida, tug`ilgan kunni nishonlash jarayonida yonib turgan shamlar bilan gaz (geliy) to`ldirilgan sharlar tutashib yong`in kelib chiqqan va uch nafar kollej talabalari turli darajadagi kuyish jarohatlari bilan 1-sonli shahar klinik shifoxonasiga yotqizilgan.
Toshkent shahar IIBB havo sharlari bilan o`ynamaslikni va ulardan foydalanmaslikni so`ramoqda.
