2017 yilning 1 iyuldan boshlab lisenziyasi bor xonandalar bilan tuzilgan shartnomaga o`zgartirish kiritilib, unga asosan "O`zbekkonsert" qoshida badiiy kengash tashkil etiladi.
Barcha estrada xonandalarining kliplari efir va internet tarmoqlariga, xususan Youtube portaliga chiqishdan avval "O`zbekkonsert"ga topshiriladi va kengash tavsiyasiga asosan san`atkorning xohishidan kelib chiqqan xolda efir yo internet tarmoqlarida namoyish etilishiga ruxsat beriladi. Bu haqda "O`zbekkonsert" lisenziya bo`limi boshlig`i Odiljon Abduqahhorov “Sayyod.com” ga ma`lum qildi.
Badiiy kengash jamoatchilik asosida bo`lib, u klipmeyker, rejissyor, shoir, sayqalchi va bastakorlardan tashkil topadi. "O`zbekkonsert" xodimlari kengash a`zoligiga qabul qilinmaydi.
Xonandalar tomonidan kengashga taqdim etilgan kliplar nazoratdan o`tmay, san`atkorlar sarflagan mablag`agiga kuyib qolmasligi uchun “O`zbekkonsert” badiiy kengashiga klip g`oyasi va ssenariysini tasdiqlatib olish imkoniyati ham mavjud.
