Forbes tomonidan Amerikaning har bir shtatidan tanlab olingan boylar reytingiga ko`ra, Microsoft kompaniyasi asoschisi Bill Geyts 88,9 milliard dollar bilan yana Amerikaning eng boy odami sanaladi.
Vashington shtatida yashovchi Geyts bir vaqtning o`zida dunyoning ham eng boy odami deb topildi, u bir yil ichida boyligiga 12 milliard dollar qo`shdi.
Ikkinchi o`rinda Amazon internet-kompaniyasi asoschisi Jeff Bezos turadi, uning boyligi 83,3 milliard dollarni tashkil qiladi.
Kaliforniyaning eng boy fuqarosi va ro`yxatdagi eng yosh milliarder 33 yoshli Facebook kompaniyasi asoschisi Mark Sukerberg (62,4 milliard dollar). Nyu-York shtatidan boylar ro`yxatiga sobiq mer Maykl Blumberg (50,7 milliard dollar) kirdi.
Mashhur tadbirkor Uorren Baffet 76,2 milliard bilan Nebraska shtatining eng boy odami bo`ldi.
Forbes reytingidagi 52 nafar qatnashchining umumiy boyligi 745 mlrd dollardan ko`p. Shu bilan birga ettita shtatda – Alabama, Alyaska, Delaver, Missisipi, Nyu-Meksiko, Shimoliy Dakota va Vermontda – milliarderlar umuman yo`q.
