Forbes томонидан Американинг ҳар бир штатидан танлаб олинган бойлар рейтингига кўра, Microsoft компанияси асосчиси Билл Гейтс 88,9 миллиард доллар билан яна Американинг энг бой одами саналади.
Вашингтон штатида яшовчи Гейтс бир вақтнинг ўзида дунёнинг ҳам энг бой одами деб топилди, у бир йил ичида бойлигига 12 миллиард доллар қўшди.
Иккинчи ўринда Amazon интернет-компанияси асосчиси Жефф Безос туради, унинг бойлиги 83,3 миллиард долларни ташкил қилади.
Калифорниянинг энг бой фуқароси ва рўйхатдаги энг ёш миллиардер 33 ёшли Facebook компанияси асосчиси Марк Цукерберг (62,4 миллиард доллар). Нью-Йорк штатидан бойлар рўйхатига собиқ мэр Майкл Блумберг (50,7 миллиард доллар) кирди.
Машҳур тадбиркор Уоррен Баффет 76,2 миллиард билан Небраска штатининг энг бой одами бўлди.
Forbes рейтингидаги 52 нафар қатнашчининг умумий бойлиги 745 млрд доллардан кўп. Шу билан бирга еттита штатда – Алабама, Аляска, Делавэр, Миссисипи, Нью-Мексико, Шимолий Дакота ва Вермонтда – миллиардерлар умуман йўқ.
