Avstraliyalik sobiq millioner Devid Gleshin (David Glasheen) 1987 yilda moliyaviy inqirozga uchragandan keyin 20 yil davomida kimsasiz orolda yashab kelmoqda, deb xabar berdi Lenta.ru nashri.
Ko`chmas mulk sohasida faoliyat olib borgan tadbirkorning boyligi o`sha paytda 28,4 million dollar edi. Gleshin inqirozga uchragandan keyin uni rafiqasi tashlab ketdi. Shundan keyin u tanishgan qiz sivilisiyadan uzoqda yashash taklifini berdi. Gleshin yangi rafiqasi bilan Kvinslend shtatidagi orolda yashay boshladi. Ammo bunday hayot tarzi tezda qizning joniga tegib, u ham Gleshinni tashlab ketdi. Gleshin orolda yolg`iz qoldi. Ayni paytda u 73 yoshga kirgan, hamon orolda Polli laqabli iti bilan birga yashaydi. Orolga ayrim hollarda turistlar tashrif buyurishini hisobga olmaganda, u kimsasiz hisoblanadi. U orolda turist sifatida tashrif buyurgan mashhur amerikalik aktyor Rassel Krou bilan uchrashdi.
Sobiq millioner orolni tark etishni istamaydi. “Men shu erda o`lishni istayman. Orol mening Erdagi jannatimdir”, deydi Gleshin. Shu bilan birga u insonlar bilan muloqot qilishni sog`inganini ham yashirmadi. Tarki dunyo qilgan millionerning kulbasida quyosh batareyasi va generatorning sharofati bilan elektr quvvati, internet mavjud.
