— Shamollaganim sabab kuchli yo`talga yo`liqqanman. Muolajalar natijasida ahvolim kunduzi biroz yaxshilanadi, lekin tunda yo`tal kuchayadi.Bunga sabab nima? Balki yo`talim shamollash oqibati emasdir?
Akmal, Termiz shahri
Nargiza NAJIMITDINOVA, oliy toifali shifokor:
— Kechasi tana holati gorizontal bo`lgani tufayli tana harakatlanmaydi va yo`talish qiyinlashadi. Bunga o`pkada balg`amning to`planib qolish ham sabab bo`ladi. Shuning uchun kechqurun balg`am hajmini ko`paytiradigan dorivor o`tli damlama va qaynatmalar ichmaslik kerak. Tungi soat 2-3 oralig`ida paydo bo`ladigan yo`tal bronxial astma kasalligi alomati bo`lishi mumkin.