AsosiyJamiyat

Endi abiturientlar test sinovlarigacha o`z bilimlarini tekshirishlari mumkin

2014/2015 o`quv yilida O`zbekiston Respublikasi oliy ta`lim muassasalari, oliy harbiy ta`lim muassasalari, akademik lisey va kasb-hunar kollejlariga kiruvchilar ta`lim yo`nalishlari bo`yicha test sinoviga tayyorgarlik ko`rish uchun, pedagog xodimlar malaka toifasi olishda mutaxassislik fanlaridan tayyorgarlik ko`rish uchun diagnostik test tizimi yo`lga qo`yildi.
 
Endilikda barcha xohlovchilar tanlagan yo`nalishlari bo`yicha o`zlarini test topshirish orqali bilim darajalarini sinab borishlari mumkin. Buning uchun tanlangan ta`lim yo`nalishi bo`yicha test savollari kitoblari va miqdori buyurtma qilinsa bas.
 
Davlat test markazi tomonidan buyurtma asosida test materiallari (savollar kitoblari va javoblar varaqalari) tayyorlanadi hamda belgilangan muddatda belgilangan manzilga jo`natiladi.
 
Bu orqali abiturient test sinovi orqali nafaqat o`z bilimini sinab ko`radi, balki savollar kitobi va javoblar varaqasi bilan ishlash ko`nikmasini rivojlantirish imkoniyatiga ega bo`ladi.
 
1 dona savollar kitobi va javoblar varaqasi narxi: 

oliy, oliy harbiy ta`lim muassasalariga kiruvchilar uchun – 9153 so`m;
 
ta`lim muassasalari pedagog xodimlari uchun – 9153 so`m;

o`rta maxsus, kasb-hunar ta`limi muassasalariga kiruvchilar
uchun – 4577 so`mni tashkil qiladi.
 

    Boshqa yangiliklar