AsosiyDunyo

Parij Disneylendi 1,7 mlrd.evro miqdorida qarzdor bo`lib qoldi

Parij Disneylendi krizisli vaziyatga tushib qoldi. Hozir Evropadagi eng yirik mavzuli bog` millionlab yo`qotishlar, norozi mijozlar, kasaba uyushmalari bilan muammolardan aziyat chekmoqda. Ushbu ko`ngilochaor bog`ning asosiy muammolaridan biri o`z xodimlarining maoshlari bo`yicha qarzdorligidir. Ayni paytda Disneylend qarzining umumiy miqdori qariyb 1,7 milliard evroni tashkil etadi. 

Shuningdek, u "Walt Disney Company”ga 70 million evro miqdoridagi lisenziya yig`imini ham to`lay olmayapti. Amerikadagi Disneylend, qimmat narxlarga qaramasdan, ulkan mablag` to`playotgan va muntazam ravishda sifatli xizmat ko`rsatayotgan bir paytda, Parij
ko`p sonli mijozlarga qaramasdan, millionlab zarar ko`rmoqda.

Bunga xarajatlarni qisqartirish bo`yicha qattiqqo`l dasturlar sababchi ekani aytiladi. Ularning amalga oshirilishi mijozlar va xodimlarning xafsalasi pir bo`lishini va noroziligini keltirib chiqargan. Buning ustiga, oktyabr oyi oxirida baxtsiz hodisa ham yuz berdi: attraksionlardan biridan bola qulab tushib, og`ir yaralangan. Bularning barchasi fransuz Disneylendining obro`sini shubha ostiga qo`ymoqda. 

    Boshqa yangiliklar