31.01.2014 04:45
Facebook foydalanuvchilari soni yangi rekordni qayd etdi
Facebook’ning faol foydalanuvchilari soni ilk bor 1,2 milliard kishini tashkil qildi. ...
Kompaniya bergan ma`lumotlariga ko`ra, 2013 yilning to`rtinchi choragida foydalanuvchilar soni 2012 yilga nisbatan 16 % ga oshgan va 1,23 milliard kishini tashkil qilgan.
Ijtimoiy tarmoq tomonidan taqdim etilgan statistikaga ko`ra, kunlik saytga kiruvchilar soni ham ortgan. 2013 yil saytga kuniga 757 million kishi tashrif buyurgan, bu esa 2012 yilga nisbatan 22%ga ko`p. Shulardan 556 million kishi mobil qurilmalar orqali kirishgan (2012 yilga nisbatan o`sish 49%).
Telefon hamda planshet orqali tarmoqdan foydalanuvchilar soni ham ortmoqda. 2011 yil ro`yxatdan o`tganlarning 40%, 2012 yil 60%, 2013 yil esa 70% mobil qurilmalar orqali foydalanishgan.
Facebook ijtimoiy tarmog`i 2004 yil ishga tushirilgan bo`lib, 2012 yil esa ilk bor milliard ko`rsatkichni qayd etgan. Foydalanuvchiliar kuniga 350 milliondan ortiq surat joylashadi, 10 milliarddan ortiq xabar jo`natishadi. Tarmoq kuninga 500 terabaytlik ma`lumotlarni qabul qiladi.
