Ko`pgina futbolchilarimizni chet el klublarida to`p surishi uchun ter to`kib yurgan FIFA agenti San`at Sharipov Antarktidaga yo`l oldi.
Bu haqda Sharipovning o`zi [url=http://www.uff.uz/news/sections/uzbek/113767]uff.uz saytiga bergan intervyusida ma`lum qilgan. U Antarktida qit`asiga O`zbekiston respublikasi bayrog`ini o`rnatishni niyat qilgan.
Intervyu davomida San`at Sharipov Antarktidaga Chili orqali borishini aytib o`tdi. Uning so`zlariga ko`ra, u 6 yil avval ushbu qit`aga borishni maqsad qilgan.
“Menga ekstremal turizm yoqadi va shuning uchun Antarktidaga borishni niyat qildim. Qo`shimchasiga, u erga Vatanim - O`zbekiston bayrog`ini o`rnatib qaytmoqchiman”, - deydi Sharipov.
Hamyurtimiz Antarktidaga 65 kishidan iborat ilmiy-tadqiqot guruhi bilan ketmoqda.