Кўпгина футболчиларимизни чет эл клубларида тўп суриши учун тер тўкиб юрган ФИФА агенти Санъат Шарипов Антарктидага йўл олди.
Бу ҳақда Шариповнинг ўзи [url=http://www.uff.uz/news/sections/uzbek/113767]uff.uz сайтига берган интервьюсида маълум қилган. У Антарктида қитъасига Ўзбекистон республикаси байроғини ўрнатишни ният қилган.
Интервью давомида Санъат Шарипов Антарктидага Чили орқали боришини айтиб ўтди. Унинг сўзларига кўра, у 6 йил аввал ушбу қитъага боришни мақсад қилган.
“Менга экстремал туризм ёқади ва шунинг учун Антарктидага боришни ният қилдим. Қўшимчасига, у ерга Ватаним - Ўзбекистон байроғини ўрнатиб қайтмоқчиман”, - дейди Шарипов.
Ҳамюртимиз Антарктидага 65 кишидан иборат илмий-тадқиқот гуруҳи билан кетмоқда.