Momaqaldiroqlar vaqtida ro`y bergan yashin urishi natijasida dunyoda har yili 10 mingdan ziyod kishi halok bo`ladi. Bu aviahalokatlar oqibatida olamdan ko`z yumadiganlar sonidan ko`p. Tabiiy ofatning bu turidan kamdan-kam kishi tirik qoladi. AQShning Shenandoa milliy bog`ida nazoratchi bo`lib faoliyat yuritgan Roy Sallivanni 1942-1977 yillar oralig`ida 7 bor yashin uradi. Ammo Roy har safar ushbu baxtsiz tabiat hodisasidan omon qoladi. Mazkur favqulodda noyob hodisa bog` shifokori tomonidan rasman ro`yxatga olingan va tasdiqlangan.
