2018 yil yanvarda Samarqand shahrida Islom Karimov xotirasiga atab bunyod etilgan maqbara majmuasi ochiladi. Bu haqda bugun mamlakat Prezidenti Shavkat Mirzieyovning “O`zbekiston Respublikasining Birinchi Prezidenti, buyuk davlat va siyosat arbobi Islom Abdug`anievich Karimov tavalludining 80 yilligini nishonlash to`g`risida”gi qarorida qayd etilgan.
Shuningdek, qarorda “O`zbekkino” Milliy agentligi tomonidan Islom Karimov hayoti va faoliyati haqida hujjatli film yaratish ham ko`zda tutilgan.
Eslatib o`tamiz, 2017 yil 25 yanvarda O`zbekiston Respublikasi Prezidenti Shavkat Mirzieev tomonidan “O`zbekiston Respublikasining Birinchi Prezidenti Islom Abdug`anievich Karimovning xotirasini abadiylashtirish to`g`risida”gi qaroriga muvofiq 2016 yil oktyabr oyida Islom Karimov nomidagi Respublika xayriya jamoat fondi tuzildi. Toshkent shahar, Yashnobod tumanining Farg`ona yo`li ko`chasida joylashgan jome masjidga “Islom ota jome masjidi” deb nom berildi.
Shuningdek, Toshkent davlat texnika universiteti, Asaka shahridagi avtomobil zavodi, Farg`ona shahridagi San`at saroyi, Toshkent xalqaro aeroporti, Qoraqalpog`iston Respublikasi, Toshkent shahri va viloyatlardagi markaziy ko`chalarga (mahalliy davlat hokimiyati organlari takliflari asosida) Islom Karimov nomi berildi.
