Toshkentning Yakkasaroy tumanidagi «Fozil ota» qabristoni qarovchisi Miroqil Fozilov «Ko`tarilayotgan quyosh, kumush nurlar» imperatorlik ordeni bilan taqdirlandi. Yaponiya hukumati uni O`zbekistonda asirga olingan yapon fuqarolari tarixini saqlash va yapon fuqarolari qabristonini nazorat qilishdagi xizmatlari uchun mukofotladi, deya xabar qildi Yaponiyaning Toshkentdagi elchixonasi.
1875 yilda ta`sis etilgan «Ko`tarilayotgan quyosh, kumush nurlar ordeni» Yaponiyaning birinchi ordeni bo`lib, oltita darajaga ega.
