Pokiston sobiq rahbari Parvez Mushsharafning ishini ko`rib chiqayotgan Islomobod maxsus sudi uni rasman davlat hiyonatida aybladi. Bu haqda RIA axborot agentligi mahalliy DAWN gazetasiga asoslanib xabar bermoqda.
Sud yig`ilishida Musharraf ushbu ayblovni asossiz deb, o`zini aybsiz ekanligini aytdi.
Musharraf advokatlari suddan ayblovni qo`ymaslikni va unga qarib qolgan onasi bilan uchrashish uchun Dubayga uchishi uchun ruxsat so`rashdi.
Ayblovga ko`ra, 2001 dan 2008 yilgacha Pokiston prezidenti lavozimida bo`lgan Musharraf 2007 yilda davlatga hiyonat qilgan. U mamlakatda Pokiston konstitusiyasi faoliyatini to`xtatib, favqulodda holat e`lon qilgan hamda oliy sud hakamlarini qamashni buyurgan. Pokiston qonuniga ko`ra, davlatga hiyonat uchun o`lim yoki umrbod qamoq jazosi qo`llaniladi. Davlatga hiyonat to`g`risidagi ish o`tgan yili hukumat tomonidan olg`a surildi.
2008 yilda iste`fodan so`ng mamlakatni tark etgan Musharraf 2013 yilning mart oyida yana Pokistonga qaytib keldi, ammo, aprelda u qo`lga olinib, uy qamog`iga hukm qilindi.
Hozirda sobiq prezident davlat hiyonatidan tashqari, yana to`rt jinoiy ish bo`yicha gumondor deb topilmoqda.