Hindistonda quloqsiz va burunsiz tug`ilgan chaqaloq olamdan o`tdi, deb xabar berdi Tengrinews.kz nashri.
Joriy yilning 20 sentyabrida dunyoga kelgan bola keng jamoatchilikning diqqatini tortdi. Bolaning ota-onasi Arshad va Karishmalarning uyiga chaqaloqni tomosha qilish uchun yuzlab odamlar keldi. Uni tomosha qilganlar bolaning qo`rqinchli tashqi qiyofaga egaligini ko`rib, “Begona” degan laqab qo`yishdi.
Bola har qancha dahshatli qiyofaga ega bo`lmasin, ota-onasi so`nggi daqiqalargacha uning tirik qolishiga umid qilishdi. “Biz bolamizni shifokorlarga ko`rsatishga ulgurmadik. U o`zini yaxshi his qilardi, uxlagandan keyin uyg`onmay olamdan o`tdi, hatto yig`lamadi ham...” dedi Arshad nashrga bergan intervyusida.
