TOJIKISTON AVTOYO`LLARNI XALQARO STANDARTLARGA MOSLAYaPTI

Tojikistonda 500 kilometrdan uzunroq avtomobil yo`llarini rekonstruksiya qilish va qurish bo`yicha to`rtta loyiha ishlab chiqilmoqda. Bu haqda mamlakat Transport vazirligi ma`lumotiga asoslanib “CA-NEWS” xabar berdi.

Loyiha ma`qullansa, Obigarm – Nurobod, Qalai Xumbob – Vanj, Xo`jand – Isfara, Qo`rg`ontepa – Dang`ara – Ko`lob avtomobil yo`llarida qurilish-ta`mirlash ishlari boshlanadi. Bu Tojikistonning 2 ming kilometrlik yo`llarining xalqaro standartlarga javob berish imkonini yaratadi.

Loyihani moliyalashtirish maqsadida xalqaro moliya institutlari bilan muzokaralar olib borilmoqda.