AQShdagi supermarketlardan birida sotuvchi bo`lib ishlovchi qiz yolg`izlikda kun kechiruvchi Edvin Xolmsning har doim yolg`iz va kayfiyatsiz holatda yurishiga e`tibor qaratdi. Qariyaning Yangi yilni yolg`iz kutib olishini eshitgach, bayramni birga nishonlash uchun uni kechki ovqatga, restoranga taklif etdi.
Edvin restoranga o`zining eng chiroyli kostyumini kiyib, qo`liga guldasta tutgancha kirib keldi. Uning aytishicha, qizning bu taklifidan xuddi yosh boladek quvongan. Mazkur uchrashuvdan keyin ular do`st tutinishdi. Endi ular har doim bir finjon qahva ustida suhbat quradigan bo`lishdi.
