Shu yil fevral oyidan “The World Series Boxing”(WSB) yarim professional boks ligasining VIII mavsumi boshlanadi.
Avvaliga unda mamlakatimizning “Uzbek Tigers” jamoasi ishtirok etmasligi bildirilgandi. Ammo keyinroq bu qaror o`zgardi va “yo`lbarslar” musobaqada qatnashadigan bo`ldi.
Uning doirasida o`zbekistonlik charm qo`lqop ustalari 23-24 fevral kunlari Kubaning “Cuba Domadores”, 2-3 mart kunlari Kolumbiyaning “Colombia Heroicos” va 6-7 aprel kunlari Venesuelaning “Caciques de Venezuela” termalariga qarshi ringga ko`tariladi.
Kubaliklarga qarshi kechadigan dastlabki janglarda yurtimiz sharafini Jasurbek Latipov (57 kg.), Shunqor Abdurasulov(60 kg.), Mahmud G`oipov (69 kg.), Sanjar Tursunov (81 kg.) va Bahodir Jalolov (+91 kg.) himoya qiladi.
