“O`zbeknavo” estrada birlashmasi yangi rahbar tayinlangandan so`ng ilk majlisini ma`murlar bilan o`tkazdi.
Rahbariyat tarafidan majlisda kelajakdagi rejalar bilan tanishtirildi. Xususan rahbariyat ma`murlarga “Agar kimda kimning xonandasi jonli ijroda qo`shiq kuylashni istasa, “Istiqlol” san`at saroyida o`tkaziladigan konsertning barcha harajatlarini “O`zbeknavo” estrada birlashmasi qoplab berishini rasman ma`lum qilgan. Ushbu ma`lumot barchani lol qoldirgan bo`lsa ajabmas, deb yozadi Sayyod.uz nashri.
“Jonli ijroni targ`ib qilish yo`lida “Agar xonanda bir oy jonli konsert qo`ysa, o`sha bir oylik konsert zali puli to`lanadi” deb xonandalarga etkazib qo`yish buyurilgan.
Bu haqda “O`zbeknavo” mas`ul xodimi Odiljon Abduqaxxorov Sayyod.uz nashriga bergan eksklyuziv intervyusida aytib o`tgan.
Shuningdek, birlashma vakili jonli ijroda kuylamoqchi bo`lgan xonandaning konsertidan o`n besh kun avval, “O`zbeknavo” tomonidan maxsus komissiya tuzilib, konsert repertuari ko`rib chiqilishini qayd etgan.
