Buyuk Britaniya o`qituvchilari o`quvchilarning dars jadvallariga juda jiddiy qarashadi. Pedagoglar muqaddas Ramazon oyi o`quvchilarning bahosiga salbiy ta`sir qilishidan xavotirdalar.
Shu boisdan o`qituvchilar ta`lim sohasidagi mutasaddilarni imtihonlar muqaddas Ramazon oyi bilan to`g`ri kelmasligi kerak deb ogohlantirishdi. Britaniyaning ta`lim borasidagi so`nggi islohotlariga ko`ra, o`quvchining bilimi uning joriy emas, bitiruv imtihonlariga qarab baholanmoqda.
«Bu vaziyat talabalarning o`zlashtirishiga ta`sir qilishidan havotirdaman... Agar ular imtihonga och va suvsiz kelishsa, bu albatta ularning natijalariga ta`sir qiladi», - deydi Tower Hamlets kolleji o`qituvchisi Abdul Choudxuri.
O`tgan haftada o`qituvchi va ma`ruzachilar uyushmasining har yilgi konferensiyasi bo`lib o`tdi, unda imtihonlarning Ramazon oyida o`tishi mavzusi muhokama qilindi. Kengashda musulmon oilalaridan qatnaydigan o`quvchilarga qanday sharoitlar yaratish mumkinligi o`ylab ko`rilishi va`da berildi.
Aholini ro`yhatga olish ma`lumotlariga ko`ra 2011 yilda Buyuk Britaniyada musulmonlar soni 2,7 mln kishini tashkil qilgan, bu esa umumiy aholining 4,8% demakdir.