Janubiy Koreya sohillarida halokatga uchragan “Sevol” kemasi qurbonlari soni 64 kishiga etdi, 240 nafar yo`lovchi esa bedarak yo`qolgan. Bu haqda Vesti.ru nashri xabar bermoqda.
Shuningdek, Janubiy Koreya prezidenti Pak Kin Xe “Sevol” ekipaji o`z majburiyatini bajarmagani qotillikka teng ekanligini qayd etdi va aybdorlar jinoiy javobgarlikka tortilishini aytdi.
Sevol yo`lovchi kemasi 16 aprel kuni Janubiy Koreya sohillarida halokatga uchradi. Yo`lovchilarning ko`p qismi maktab o`quvchilari bo`lib, ular Chejudo oroliga sayyohat uchun yo`l olishgan edi.
Kema kapitani Li Chon Chok va uning ikki yordamchisi qo`lga olingan. Ular kemachilik qoidalarini buzganlikda va mas`uliyatsizlikda ayblanmoqda.
Olib borilgan tergov natijalari ko`ra, halokat chog`ida kemani kapitan emas, uning uchinchi yordamchisi boshqargan.
Halokatga esa kemaning keskin o`z yo`nalishini o`zgartirgani sabab bo`lgan.
