Bugun 28 aprel kuni poytaxtimizda Xalqaro so`z va matbuot erkinligi kuniga bag`ishlangan media kunlar boshlandi.
Media kunlar Xalqaro so`z va matbuot erkinligi kuni oldidan O`zbekiston Elektron Ommaviy Axborot Vositalari Milliy Assossiasiyasi (O`zEOAVMA) EXHT, K.Adenauer jamg`armasi, YuNESKOning O`zbekistondagi vakolatxonasi kabi xalqaro hamkorlar va O`zbekiston Respublikasi Oliy Majlisi huzuridagi NNT va fuqarolik jamiyatining boshqa institutlarini qo`llab-quvvatlash Jamoat fondi Parlament komissiyasi, “Uzreport” AA, O`zbekiston jurnalistlari ijodiy uyushmasi, “Kamolot” YoIH, «O`zbekiston kabel televideniesi» MChJ kabi milliy hamkorlar bilan birgalikda tashkil etildi.
2 maygacha davom etadigan mazkur tadbir doirasida turli seminar-treninglar, hududiy telestansiyalar jurnalistlari va texnik xodimlari uchun ma`naviyat va madaniyat mavzularini o`z ichiga olgan “davra suhbati”, O`zEOAVMA a`zolari ishtirokidagi anjuman hamda xalqaro konferensiyalar bo`lib o`tadi.
Shuningdek, media kunlar ishtirokchilari IX “Oltin qalam” milliy mukofotini taqdirlash marosimida ishtirok etib, “Jurnalistlar bahori” an`anaviy festivalida qatnashish imkoniga ega bo`ladilar.
Tadbirda tele va radiostansiyalar, xalqaro tashkilotlar va dipmissiya rahbarlari, ijodiy va texnik guruhlari, davlat hokimiyati organlari vakillari, jamoat tashkilotlari vakillari, vazirliklar va idoralar matbuot kotiblari va bosh muharrirlar ishtirok etishadi.