Tehron shahar hokimiyatining rasmiy saytidagi xabarga ko`ra, Tehronning Valiasr ko`chasidagi (Yaqin Sharqdagi eng uzun ko`chalardan biri) bir nechta o`lik daraxtlar yog`och o`ymakorlari tomonidan turgan joyida go`zal san`at asariga aylantirildi, deb yozadi islom.uz nashri.
«Daraxiston» nomini olgan badiiy tadbir «Bahoriston» nomli art-tadbirlar majmuining bir qismi bo`lib, u Tehron shahrini bahorga tayyorlash maqsadida amalga oshirilmoqda.
Ushbu madaniy tadbir doirasida mohir yog`och o`ymakorlari qadimiy o`lik daraxtlarni o`xshashi yo`q san`at obidalariga aylantirmoqdalar.
