3 aprel kuni taxminan soat 19:30 da Toshkent shahrining Yunusobod tumani hududida yo`l-yo`lakay "Camry" avtomobili yonib ketdi.
Toshkent shahar YHXBda berilgan xabarga ko`ra, avtomobilni ayol kishi boshqarayotgan bo`lgan.
Bundan tashqari, avtomobil salonida ikki nafar yosh bolalar bo`lgan. Harakatlanish davomida birdaniga mashina kapoti tutashni boshlagan.
Nosozlikni sezgan ayol mashina to`liq yonib ketishidan avval to`xtab, zudlik bilan bolalarni mashinadan olib chiqqan. O`sha paytda ko`prikda mashinalar harakati vaqtincha to`xtab qolgan.
Yong`in tezlik bilan o`chirilgan, jabrlanganlar yo`q.
