3 апрель куни тахминан соат 19:30 да Тошкент шаҳрининг Юнусобод тумани ҳудудида йўл-йўлакай "Camry" автомобили ёниб кетди.
Тошкент шаҳар ЙҲХБда берилган хабарга кўра, автомобилни аёл киши бошқараётган бўлган.
Бундан ташқари, автомобиль салонида икки нафар ёш болалар бўлган. Ҳаракатланиш давомида бирданига машина капоти туташни бошлаган.
Носозликни сезган аёл машина тўлиқ ёниб кетишидан аввал тўхтаб, зудлик билан болаларни машинадан олиб чиққан. Ўша пайтда кўприкда машиналар ҳаракати вақтинча тўхтаб қолган.
Ёнғин тезлик билан ўчирилган, жабрланганлар йўқ.
