Misr universiteti professori Soxaga Nassar Abdula uysiz bolalar muammosini Braziliya kabi echishni taklif qilmoqda.
90-yillarda Braziliyada ko`chalarni tozalash deya yuzlab uysiz bolalarni otib tashlashgan. Bu haqda "RIA Novosti" xabar bermoqda.
"90 yillarda Braziliyada qarovsiz bolalar mamlakatda tartibsizliklar keltirib chiqarishgan, jinoyat, o`g`irlik, foxishalik va qotilliklar soni ko`payib ketgan. Braziliyadagi iqtisodiy holat xuddi hozirgi Misrdagidek edi",-deya yozadi professor o`z maqolasida.
Maqola katta shov-shuvga sabab bo`lgach, internet tarmog`idan o`chirib tashlandi.
Misrda uysiz bolalar muammosi bilan shug`ullanuvchi mutaxassis Nelli Ali professorni tanqid qildi.
"Ko`cha bolalari - muammosi faqat jamiyatning muammosi emas, bu ijtimoiy masalalarni hal qila olmayotgan kuchsiz hukumatniki hamdir",-dedi Nelli Ali.