Afg`onistonda prezidentlik saylovlari vaqtida ijtimoiy tarmoq turli siyosiy va milliy guruhlar o`rtasidagi jang maydoniga aynlandi.
Shu sababli mamlakat hukumati prezidentlik saylovlari yakuniga qadar ayrim internet-resurslariga kirish imkoniyatini yopib qo`ymoqchi.
“Ijtimoiy tarmoq millatlar o`rtasidagi urush maydoni sifatida emas, yaxshi maqsadlar yo`lida xizmat qilishi kerak. Birgina kamsitish katta fojealarga olib kelishi mumkin”,-deydi Afg`oniston parlament deputati Anar Kali Xunaryar.
Facebook ijtimoiy tarmog`ining faoliyatini cheklashga ko`pgina afg`onistonlik qonun ishlab chiqaruvchilar ovoz berishdi. Bunga ko`pgina davlat xizmatchilari, siyosatchilar va oddiy fuqarolarning murojaati sabab bo`lgan. Shuningdek, hukumat alohida foydalanuvchilar uchun jazo ham ishlab chiqmoqchi. Ular qoidalarni buzgan internet foydalanuvchisiga jarima va hatto qamoq jazosini joriy qilish niyatidalar. Prezidentlik saylovlari natijasi 22 iyul kuni e`lon qilinishi rejalashtirilgan.
Eslatib o`tamiz, 14 iyun Afg`onistonda prezidentlik saylovlarining ikkinchi turi bo`lib o`tgan. Davlat rahbari lavozimi uchun tashqi ishlar sobiq vaziri Abdulla Abdulla va moliya sobiq vaziri Ashraf G`ani Axmadzay kurashmoqda. Ular birinchi turda 45,0 foiz va 31,6 foiz ovoz to`plashgan.
