O`zbekistonda 50 tonnadan ortiq sement sotib olish taqiqlandi.
Anhor.uz saytining yozishicha, bu haqda O`zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo`mitasiga tayanib “O`zqurilishmateriallari” aksiyadorlik kompaniyasi xabar bergan.
Xabarda yozilishicha, ushbu tartib belgilanishiga qurilish materiallari bozorida kuzatilgan olibsotarlik holatlari sabab bo`lgan. Belgilangan tartibga ko`ra, bir qo`lga 50 tonnadan ortiq sement sotilmaydi va ushbu tartib ham jismoniy ham yuridik shaxslarga tegishli.
