Moskva metrosida avariya oqibatida halok bo`lganlar soni 12 kishiga etdi. Bu haqda Rossiya FFV rahbari Vladimir Puchkov bergan ma`lumotlarga asoslanib “ITAR-TASS” xabar bermoqda.
Moskva shahri hukumatining bergan ma`lumotlariga ko`ra, 150 kishi jarohatlangan, ulardan 100 nafari shifoxonaga etkazildi.
Shuningdek, “Interfaks” agentligining yozishicha, qurbonlari 16 kishiga etgan. Ular orasidan poezdni boshqargan mashinist ham bor.
Eslatib o`tamiz, 15 iyul kuni “Park pobed” va “Slavyanskiy bulvar” stansiyasilari orasida poezdning 3 ta vagoni relslardan chiqib ketgan. Halokat tufayli 200 ga yaqin kishi evakuasiya qilingan, jarohatlanganlarning barchasi vertolyotda shifoxonaga olib ketildi. Hozirda qutqaruv ishlari davom etmoqda.
