AQShning Forbes jurnali eng ko`p daromad olgan aktyorlar ro`yxatini tuzib chiqdi. Birinchi pog`onada ketma-ket ikkinchi yili kichik Robert Dauni egalladi.
U o`tgan yilning iyun oyidan 75 million AQSh dollari miqdorida daromad ko`rdi. Dauni asosiy gonorarini “Temir odam” filmidagi ishtiroki uchun olgan.
Ikkinchi pog`onada jahon restlingi yulduzi Dueyn Jonson qayd etildi. Aktyor o`tgan yildan buyon 52 million AQSh dollari miqdorida foyda ko`rgan.
Uchinchi o`rinni bir yil davomida 46 million daromad olgan, “Oskar” mukofotiga nomzod bo`lgan Bredli Kuper qo`lga kiritdi.
To`rtinchi pog`onada “Uoll-sritlik bo`ri” va “Buyuk Getsbi” filmlari ishtiroki orqali 39 million ishlab olgan, Leonardo Di Kaprio qayd etildi.
Shuningdek, ro`yxatga Kris Xemsvort, Liam Nison, Ben Afflek va Kristian Beyl, Uill Smit hamda Mark Uolberglar kiritildi.
