O`zbekiston delegasiyasi norasmiy umumjamoa hisobida 177 davlat vakillarini ortda qoldirgan holda 27-o`rinni band etishdi. Bu haqda O`zbekiston Milliy Olimpiya qo`mitasi matbuot xizmati xabar bermoqda.
Ma`lumki, norasmiy umumjamoa hisobida davlatlar tomonidan qo`lga kiritilgan medallarga mikst va jamoaviy bahslarda qayd etilgan natijalar kiritilmadi. Agarda O`zbekiston delegasiyasi tomonidan erishilgan natijalarni ham mikst va jamoaviy hisobda qo`lga kiritilgan oltin medallarsiz hisoblaydigan bo`lsak, hamyurtlarimiz boks, dzyudo, yunon-rum kurashi, og`ir atletika, sport gimnastikasi, taekvondo kabi sport turlarida 2 ta oltin, 3 ta kumush hamda 3 ta bronza medaliga sazovor bo`ldilar va norasmiy umumjamoa hisobida 177 davlat vakillarini ortda qoldirgan holda 27-o`rinni band etishdi.
O`zbekiston delegasiyasi II o`smirlar yozgi olimpiada o`yinlarida medallarni qo`lga kiritish borasida Markaziy Osiyoda ikkinchi, MDH davlatlari orasida beshinchi, Osiyo qit`asida to`qqizinchi o`rinni egalladi.
Quyida, ikkinchi o`smirlar yozgi olimpiada o`yinlarida sovrinli o`rinlarni band etgan sportchilar berilgan:
Oltin – Bektemir Meliqo`ziev (boks)
Oltin – Ilhom Bahromov (yunon-rum kurashi)
Oltin – Suhrob Tursunov (dzyudo, jamoaviy)
Oltin – Vladimir Svechnikov (o`q otish, mikst)
Kumush – Umida Abdullaeva (taekvondo)
Kumush – Farhodbek Sobirov (og`ir atletika)
Kumush – Sulaymon Latipov (boks)
Bronza – Suhrob Tursunov (dzyudo)
Bronza – Adhamjon Ergashev (og`ir atletika)
Bronza – Timur Qodirov (sport gimnastikasi)
