Prezident Shavkat Mirziyoev Toshkent metropolitenining Sergeli yo`nalishi qurilishi bilan tanishdi.
Uzunligi 7,1 kilometr bo`lgan mazkur yo`nalish Sergeli tumani aholi punktlari oralab o`tib, Chilonzor tumanidagi Olmazor bekatiga bog`lanadi. Temir yo`l estakada usulida qurilib, poezdlar er ustida harakatlanadi. Yo`lovchilarga qulaylik yaratish maqsadida bekatlarda lift va eskalatorlar o`rnatiladi.
Bugungi kunda loyihaning 5 kilometr qismida bunyodkorlik ishlari amalga oshirilmoqda.
Davlat rahbari bu erga kelib, qurilishning borishini ko`zdan kechirdi. Metroni sifatli, qulay va xavfsiz qilib qurish bo`yicha ko`rsatmalar berdi, deb xabar qiladi Prezident matbuot xizmati.
Shu erda Toshkent shahrida qurilishi rejalashtirilgan 9 qavatli uylar loyihasi taqdimoti o`tkazildi.