Gersoginya Keyt Midlton ikkinchi farzandiga homilador. Bu yangilik Britaniya qirolligi oilasi a`zolari tomonidan tasdiqlandi, deya xabar beradi spletnik.ru nashri.
Keyt Midlton endilikda oilaviy va boshqa tadbirlarda ishtirok eta olmaydi. Chunki avvalgi homiladorlikdagi singari u toksikozdan qiynalmoqda.
Eslatib o`tamiz, shahzoda Uilyam va gersoginya Keyt Midltonlarning birinchi farzandi shahzoda Georg Aleksandr Lui o`tgan 2013 yilning 22 iyulida dunyoga kelgan.
U tug`ilishi bilan dunyoning eng mashhur go`daklaridan biriga aylanishga ulgurdi. Keyt Midltonning ko`zi qachon yorishi borasidagi ma`lumotlar yaqin orada ma`lum qilinishi kutilmoqda.
