Ispaniyaning bir qator shaharlarida taksi haydovchilarining ommaviy ish tashlashlari davom etmoqda, deb xabar berdi Eg.ru nashri.
Bir qator shaharlarda minglab haydovchilar avtomobillarni ijaraga beradigan kompaniyalarga lisenziya berishga qarshi o`z noroziliklarini bildirishmoqda. Ular xususan Uber faoliyatidan norozi. Barselonaning markaziy ko`chalarida yarim mingdan ortiq haydovchi yo`lning ikki tomoni bo`ylab avtomobillar harakatini to`xtatib qo`ygan.
Mazkur ish tashlash mamlakatda bir qator muammolarni yuzaga keltirmoqda. Minglab aholi vakillari hamda sayyohlar o`z vaqtida manzillariga etib bora olishmayapti. Bundan tashqari, ko`chalarda yirik tirbandliklar ham kuzatilmoqda. Namoyishchilar agar ularning talabi bajarilmasa, vokzallar va aeraportlarga olib boradigan yo`llarni va hatto Fransiya bilan chegarani ham to`sib qo`yishlarini ma`lum qilishmoqda.
