FIFA tomonidan sentyabr oyi uchun milliy terma jamoalarning yangi reytingi e`lon qilindi.
Reytingda O`zbekiston milliy terma jamoasi 58-o`rinni egalladi. O`tgan oygi reytingda O`zbekiston terma jamoasi 51-o`rinda qayd etilgandi. Osiyo mintaqasi bo`yicha esa terma jamoamiz Eron hamda Yaponiyadan so`ng, uchinchi o`rinni egallab turibdi.
FIFA reytingining eng yuqori pog`onasida Germaniya terma jamoasi qayd etildi. Keyingi pog`onalarni esa Argentina, Kolumbiya, Gollandiya va Belgiya terma jamoalari egallashdi.