Nyu-York sudi “Al-Qoida” terroristik tarmog`i rahbari – Usama ben Ladenning kuyovi Sulaymon Abu Geytni umrbod qamoq jazosiga hukm qildi. Bu haqda ITAR-TASS agentligi xabar beradi.
Joriy yilning mart oyida quvaytlik Abu Geyt AQSh fuqarolarini o`ldirish va terroristlarga moddiy yordam berishda aybdor deb topilgandi.
Okrug hakami Lyuis Kaplanning qayd qilishicha, 48 yoshli Sulaymon Abu Geyt terroristlar bilan hamkorlik qilganidan pushaymon bo`lmagan.
Tergov natijalari ko`ra, Abu Geyt terroristik g`oyalarni targ`ib qiluvchi video lavhalarda “Al-Qoida”ning rasmiy vakili sifatida ham ishtirok etgan.