Qozog`istonning Temirtau shahridagi bolalar bog`chalaridan birida 50 yoshli bog`cha tarbiyachisi tushlikdan keyin uxlashni xohlamagan qizchani bo`g`di. Tarbiyachiga nisbatan jinoiy ish ochildi, deya xabar berdi Tengrinews.
Video kadrlardan ayol yig`layotgan bolaning ustiga adyolni tortib, bo`yini qo`li bilan mahkam qisganini ko`rish mumkin. Ushbu tasvir ijtimoiy tarmoq foydalanuvchilarini dahshatga soldi va ular tomonidan minglab izohlar qoldirildi.
Qarag`anda viloyati Ichki ishlar departamenti matbuot xizmati xabariga ko`ra, gumonlanuvchi qo`lga olingan. Ushbu holat bo`yicha Qozog`iston Respublikasi Jinoyat kodeksining 140-modda 2-qismi bilan sudga qadar tergov boshlandi.
Ayni paytda tergov ishlari olib borilmoqda. Ekspertizalar belgilangan.
