Hukumat qarori bilan Prokuratura organlari xodimlariga imtiyozli shartlarda kreditga uy-joy va avtotransport vositalarini sotib olish uchun dastlabki badalni kiritish maqsadida Majburiy ijro byurosini rivojlantirish jamg`armasi mablag`lari hisobidan foizsiz qarz berish tartibi to`g`risidagi nizom tasdiqlandi. Bu haqda Adliya vazirligining «Huquqiy axborot» kanali xabar berdi.
Mazkur nizom O`zbekiston Respublikasi Bosh prokuraturasi, Bosh prokuratura Akademiyasi, Iqtisodiy jinoyatlarga qarshi kurashish departamenti, Majburiy ijro byurosi hamda Agrosanoat majmui va oziq-ovqat xavfsizligi ta`minlanishi ustidan nazorat qilish inspeksiyasi, Bosh prokuratura huzuridagi Axborot-tahlil multimedia markazi va Majburiy ijro byurosini rivojlantirish jamg`armasining boshqaruv xodimlari, shuningdek, prokuratura organlarining amaldagi kadrlar zaxirasiga kiritilgan xodimlariga imtiyozli shartlarda kreditga uy-joy va avtotransport vositalarini sotib olish uchun dastlabki badalni kiritish maqsadida Majburiy ijro byurosini rivojlantirish jamg`armasi mablag`lari hisobidan foizsiz qarz berish tartibini belgilaydi.
Bunda qarz berish masalalarini ko`rib chiqish uchun komissiya tashkil etiladi.
Xodim qarz olish uchun komissiyaga ariza bilan birgalikda quyidagi hujjatlarni taqdim etadi:
- pasport nusxasi;
- uy-joy yoki avtotransport vositasini sotib olish yuzasidan tuzilgan shartnoma nusxasi;
- kafilning pasporti nusxasi va daromadlari to`g`risidagi ma`lumotnoma.
Qarz miqdori sotib olinadigan uy-joy va avtotransport vositasi qiymatining 25 foizidan oshmasligi lozim.
Qarz shartnomasi Majburiy ijro byurosini rivojlantirish jamg`armasi va xodim o`rtasida, qoida tariqasida, avtotransport vositasi bo`yicha 5 yil, uy-joy bo`yicha esa 10 yil muddatga tuziladi.
Xodimning ehtiyojini inobatga olib, muayyan kredit turi uchun qarz berilgan vaqtdan 3 yil o`tgach va qarz to`liq qaytarilgan taqdirda ana shu kredit turi bo`yicha takroran qarz berilishi mumkin.
Xodimga qarz berish quyidagi bosqichlarda amalga oshiriladi:
